Быйыл биллиилээх олоҥхоһут Дмитрий Михайлович Говоров-Олоҥхоһут Миитэрэй төрөөбүтэ 175 сыла. «Олоҥхо Дьиэтэ» этнокультурнай киин көҕүлээһининэн аар-саарга аатырбыт «Мүлдьү Бөҕө» олоҥхо дьүһүйүүтэ туруорулунна. Манна кыттыыны ыллылар Тумуллааҕы «Айыллан» народнай театр артыыстара, Олоҥхо Дьиэтин, «Тойон Мүрү» култуура дыбарыаһын үлэһиттэрэ, уус-уран самодеятельноһын кыттыылаахтара. Дьүһүйүүнү Тумул, Бэйдиҥэ, Бороҕон көрөөччүлэрэ биһирии, астына көрдүлэр.
“Мүлдьү Бөҕө” олонхо сүрүн идеята – орто дойдуга олохтоох айыы аймаҕын туһугар туруулаһан охсуһуу, кинини араҥаччылыырга ыҥырыы.
Бу сыаннастары оҕолого тиэрдии- биһиги сүрүн сорукпут. Дьүһүйүүгэ үксэ оҕо-аймах сылдьан сэргээн көрдө-иһиттэ.
Мүлдьү Бөҕө театрализованнай дьүһүйүү сыалын-соругун ситистэ. Көрөөччүлэр астынан-дуоһуйан махтал, үтүө тыллары этэн тарҕастылар.