Алтынньы 10 кунугэр Арыылаахтааҕы «Эйгэ» сынньалан киинигэр сааһырбыттар декадаларын түмүктүүр «Сиэдэрэйкээн саастарым» тэрээһин буолла. «Арчы» сааһырбыттар түмсүүлэрэ, «Ырыам уонна сибэкки» вокальнай ансамбль ветераннара уонна ыаллыы сытар Сыырдаах бөһүөлэгиттэн «Сайылык Далбардара» түмсүү сынньалан киэһээтигэр итии чэй тула муһуннулар. Түмсүүлэр үлэлэрин билиһиннэрдилэр, слайданан кэпсээтилэр, түмсүү ветераннара дьарыктарын көрдөрөр быыстапкалара туруорулунна.
Дьон талаанын сө5ө-махтайа көрдүлэр. Уустар, иистэнньэннэр, о5уруочуттар, коллекционердар, баайааччылар ону кытта үҥкүү-ырыа, хоһоон аргыстаах аҕа саастаахтарбыт талааннарын биһирээтибит. Музыкальнай эҕэрдэлэр салҕаннылар, араас таһымнаах конкурстарга кыттыбыт «Сайылык Далбардара» бэйэлэрэ музыкальнай инструменнарынан доҕуьуоллатан норуот ырыатын иһитиннэрдилэр, саҥа үөрэппит дэгэрэн ырыаларын бэлэхтээтилэр. Арыылаах бөһүөлэгин юбилейнай саастаах дьоннорбутугар «Эҕэрдэ суруктар» туттарылыннылар.
Салгыы араас күрэхтэр «Битва дуэтов», «Мелодияны таай», «Өс хоһооннору ситэр», хамсаныылаах оонньуулар ыытылыннылар. Кыайыылаахтар дипломунан, бирииһинэн, кыттыбыттар анал ааттарынан наҕараадаланнылар.
Мини-лотерея оонньонон бука бары илии тутуурдаах буоллулар, умнуллубат түгэн буоллун диэн хаартыскаҕа түстүлэр.
Кэлбит ыалдьыттар бэйэлэрэ илиилэринэн тутан — хабан онорбут оҥоһуктарын кэһии гынан, махтал бэлиэтинэн дьиэлээх улэьиттэргэ туттардылар.
Эдэр сааьы санаһан, орто сааһы ахтыһан сааһырдыбыт диэн санаммакка сиэдэрэйкээн саастарын киэргэтэн, көрү-нары кеҕүлүттэн тутан, сынньанан үөрэн-көтөн тарҕастылар.
10.10.2023 с.
