Сонуннарга анаан Өлтөх олохтоох прессата
🔱⚜️🔱⚜️🔱⚜️🔱⚜️🔱
Бүгүн алтынньы 1️⃣0️⃣ күнүгэр Бэйдиҥэ бөһүөлэгэр «Эҕэрдэ, махтал педагогка» диэн тематическай хабааннаах көрсүһүү буолан ааста.
Тэрээһиҥҥэ Бэйдиҥэ бөһүөлэгин биллэр учуутал идэлээхтэр династияларын историятын Винокуровтар тустарынан Винокурова Валентина Гаврильевна сырдатта, ол кэннэ Татариновтар педагогическай династияларын туһунан Татаринов Николай Николаевич сырдатыы оҥордо.
А.П.Петров аатынан Бэйдиҥэтээҕи НАК директора Игнатий Слепцов Валентина Гаврильевнаҕа уонна Николай Николаевичка махтал суруктарын📜, ону тэҥэ сип-сибиэһэй саҥа оҥоһуллан тахсыбыт Бэйдиҥэ мүөтүн🍯 бэлэх уунна.
Бэйдиҥэ бөһүөлэгэр саҥа үлэлии кэлбит, үлэлэрин Бэйдиҥэттэн саҕалаабыт учууталлар бэйэлэрин тустарынан билсиһиннэрдилэр, талааннарын көрдөрдүлэр💃🏻🎤. А.Н.Жирков аатынан Бэйдиҥэтээҕи оскуола сэмэй бэлэхтэрин туттартаата🎁, бырааһынньыктааҕы эҕэрдэ тылын эттэ Ульяна Егоровна Белова.
Биэчэр кэмигэр Иван Румянцев, Игнатий Слепцов учуутал туһунан ырыалары ыллаатылар🎤, саҥа үлэлии кэлбит история учуутала Федот Винокуров хомус тардан иһитиннэрдэ. Учуутал уонна уһуйааччы сылынан А.П.Петров аатынан Бэйдиҥэтээҕи НАК коллектива культура эйгэтин бастыҥнарыгар Варвара Павловнаҕа «Бастыҥ артыыс», Лариса Семеновнаҕа «Бастыҥ коллектив салайааччыта», Любовь Павловнаҕа «Бастыҥ ырыаһыт», Любовь Николаевнаҕа «Бастыҥ общественник» диэн анал ааттары🤩, сэмэй бэлэхтэри🎁, махтал суруктары📜 туттарда. Тэрээһин олус сэргэхтик💁♀️, дьоһуннук ааста, сылдьыбыт эрэ бары астынан👏🏼, махтал тылларын этэн тарҕастылар.
