Муус устар 13 күнүгэр Өлтөх сиригэр сандал сааһы көрсөр норуот күүлэйэ бэрт тэрээһиннээхтик буолан ааста Быйылгы сыл сонун тэрээһинэ — кадровай булчут, Өлтөх нэһилиэгин бочуоттаах олохтооҕо Николай Ефимович Дегтярев аатынан «Булчут күрэҕэ» эр дьоҥҥо 5 түһүмэхтээх (ойбон алларыы, МЦ21-12 сааны ыһыы-хомуйуу, биатлон, хомуур хапсаҕай, эстафета) күөн күрэс бар дьон биһирэбилин ылыан ылла Түмүккэ муҥутуур кыайыылаах — Арыылаах бөһүөлэгин эр дьонун хамаандата (капитан Н.Н.Винокуров) Н.Е.Дегтярев оҕолоро туруорбут 500 шт ботуруонунан наҕараадаланнылар. 2 миэстэ — Бэйдиҥэ эдэр ыччатын хамаандата (капитан Е.В. Румянцев), 3 миэстэ — Бэйдиҥэ орто оскуолатын хамаандата (капитан И.В. Артамонов) Өлтөх нэһилиэгин дьаһалтата туруорбут сыаналаах бириистэрин туттулар.
Сандал сааһы көрсөр норуот күүлэйин биир эмиэ тыҥааһыннаах тэрээһининэн А.П. Петров аатынан Бэйдиҥэтээҕи норуот айымньытын киинэ (директор Артамонов Н.Я.) олохтообут «Байанай бэлэҕэ» оонньуута буолла. Манна сүрүн бирииһи Говоров Д.А. тутан үөрүүтэ муҥура суох. Маны тэҥэ оҕолор көрдөөх эстафетаҕа, аттракционнарга оонньоон күннэрин көхтөөхтүк атаардылар. Мустубут дьону минньигэс астарынан Е.И.Артамонова, Л.Федорова, М.С.Алексеева, Л.Боярова күндүлээтилэр. Нэһилиэк олохтоохторун сомоҕолуур норуот күүлэйин тэрээһинигэр кыттыыны ылбыт бар дьоммутугар махталбытын тиэрдэбит, күрэхтэр кыайыылаахтарыгар эҕэрдэ бастыҥын аныыбыт, байанайдаах булчуттарга сааскы сезонҥа ситиһиилэри баҕарабыт. #өлтөхсирэ #ыччаттүмсэрнэһилиэксайдар #түмсүүнэнсайдыыга