Ыам ыйын 9 күнүгэр Өлтөх нэһилиэгин Бэйдиҥэ бөһүөлэгэр Кыайыы болуоссатыгар, Өлтех нэһилиэгэр олорон ааспыт, алдьархайдаах сэрии буойуттарыгар, тыыл үлэ ветераннарынахтан ааһар миитинг өрө күүрүүлээхтик ыытылынна. Кыайыы уотун олохтоох аҕа баһылык Константин Анатольевич Алексеев уматта, ыар сэрии сылларыгар Өлтөх сириттэн барыбыт буойуннар тустарынан сырдатыыны оҥордо. «Ким да умнуллубат, туох да умнуллубат» сэрии толоонугар баран бэйэлэрин олохторун, эйэлээх сырдык олох туһугар толук уурбут биир дойдулаахтарбытыгар кутурҕан тохтобула ыытылынна. А.Н.Жирков аатынан Бэйдиҥэ орто оскуолатын учуутала, олохтоох краевед Ульяна Ивановна Охлопкова 1941-1945 сылларга буолбут ыар сэрии ыарахан олоҕун туһунан бар дьоҥҥо иһитиннэрии оҥордо.
М.И.Аржакова салайааччылаах «Дьүөгэ» түмсүү хоһоон ааҕан иһитиннэрдилэр.
Уус Алдан тумус туттар суруйааччыбыт Иван Мигалкин Сэрии туһунан хоһоонун күргүөмүнэн ааҕыы ыытылынна.
А.П.Петров аатынан Бэйдиҥэтээҕи НАК киинин директора И.В.Слепцов оһуохайы оройуттан туттубут.
Түмүккэ кэлбит бар дьону минньигэс Саллаат хааһытынан күндүлээһин олохтонно.
