Быйылгы өрөспүүбүлүкэтээҕи Сылгыһыттар күрэхтэрэ VIII-с төгүлүн Үөһээ Дьааҥы улууһугар Верхоянскай куоракка, Саха АССР биллиилээх зоотехнига, Дьааҥы сылгытын племенной сылгы ахсааныгар киллэртэрбит үтүөлээх зоотехник Гаврил Алексеевич Аммосов аатын сүгэр Хоптолоох ипподромыгар ыытылынна.
Былырыын бу маннык улахан тэрээһин Амма улууһугар буолбута. Тыа хаһаайыстыбатын миниистирэ Артем Александров иһитиннэрбитинэн, Үөһээ Дьааҥыга ыытыллар Сылгыһыттар күрэхтэригэр 13 хамаанда кытынна. Ол курдук Амма, Мэҥэ Хаҥалас, Таатта, Ньурба, Чурапчы, Эбээн Бытантай, Хаҥалас уонна Үөһээ Дьааҥы улуустарын сылгыһыттара суолталаах тэрээһиҥҥэ күрэхтэстилэр.
Үөһээ Дьааҥыга Чурапчыбыт улууһун сылгыһыттара Герасим Чехордун, Иван Наумов, Николай Макарцов, Лев Прокопьев (хамаанда хапытаана) тиийэн кытыннылар. Дэлэгээссийэ састаабыгар элбэхтэр. Үс күннээх уһун айаны сылгылар этэҥҥэ тулуйдулар.
Бэҕэһээ, муус устар 5 күнүгэр СӨ Тыа хаһаайыстыбатын уонна ас-үөл бэлиитикэтин министиэристибэтин көһө сылдьар кэллиэгийэтэ ыытыллыбыттар. Онтон бүгүн, муус устар 6 күнүгэр Сылгыһыт күрэҕэ буолан түмүктэннэ. Манна үгэс буолбут 1600 миэтэрэ уһуҥҥа ат сүүрдүүтэ, онтон үөрдээн иитиигэ анаммыт соноҕос атыы-быыстапката тэрилиннэ.
Бу тэрээһиҥҥэ анаан Үөһээ Дьааҥы улууһун “Баачаан” уонна “Арыылаах” сылгыны үөрдээн иитии хаһаайыстыбалара 2-тэн 5-гэр диэри 21 соноҕоһу быыстапкаҕа туруордулар.
— Арктическай улууска аан бастаан ыытыллар суолталаах тэрээһин сылгыны үөрдээн иитии боппуруостарыгар сыһыаннаан уопут атастаһыытын быһыытынан ыытылынна. Манна идэтийбит сылгыһыттары, учуонайдары кытта атах тэпсэн олорон сэһэргэстилэр, эдэр сылгыһыттар бэрт үгүһү биллилэр, иһиттилэр, — диэн миниистир бэлиэтээтэ.
Уопсай түмүккэ Чурапчы улууһун (икки хамаанданы илдьэ барбыта) Хоптоҕо нэһилиэгин хамаандата бочуоттаах 3-с миэстэни ылан “БУРАН” тиэхэньикэнэн наҕаарадаланна. Иккис миэстэ буолбут Мэҥэ Хаҥалас улууһун хамаандата “УАЗ-фермер” массыына оттон бастаабыт Амма улууһун хамаандата “Беларусь” МТЗ тыраахтыр күлүүһүн туттулар. Манна Одьулуун нэһилиэгин хамаандата 4-с миэстэ буолары ситистэ.
“Биһиги улууспут сылгыһыттара сылтан сыл аайы маннык улахан күрэхтэһиилэргэ бэйэлэрин ситиһиилэринэн үөрдэллэр. Ыарахан үлэҕэ сылдьар дьоммутугар бэйэбит управлениебыт өттүттэн төһө кыалларынан күүс-көмө, өйөбүл буола сатыыбыт. Тулуурдаар, дьаныардаах, тыйыс айылҕалаах Сахабыт сиригэр дьаныһан туран сыспай сиэллээхпитин тэнитиигэ күүскэ үлэлэһэ сылдьар эр дьоммутун өссө төгүл кыайыыларынан, ситиһиилэринэн тус бэйэм, улууспут тыатын хаһаайыстыбатын управлениетын кэлэктиибин аатыттан итиитик-истиҥник эҕэрдэлиибин”, — диэн улуус баһылыгын Тыа хаһаайыстыбатын боппуруостарыгар солбуйааччы Анжелика Неустроева эттэ.
Сэмэн Жендринскэй
Победу на конных скачках одержали коневоды Хангаласского и Верхоянского улусов
Судейская коллегия подвела итоги конных скачек республиканского мероприятия, посвященного Дню коневода-табунщика.
В забеге на дистанцию 1600 метров участовали 15 лошадей. В забеге победу одержал Андрей Михайлов из Хангаласского улуса на лошади по кличке Бэлэх, выиграв приз в размере 50 000 рублей.
На II место вышел Гаврил Стручков из Эвено-Бытантайского улуса на лошади по кличке Уолчаан. Ему вручили денежный приз размером в 30 000 рублей.
III место и приз в размере в 20 000 рублей досталось Арсению Аммосову из Эвено-Бытантайского улуса на лошади по кличке Комбриг.
На дистанции 2400 метров участвовали 12 лошадей. В забеге не было равных Семену Потапову из Верхоянского района на лошади по кличке Долгун. Победителю вручили приз — 50 000 рублей.
II место у Артура Яковлева из Амгинского улуса на лошади по кличке Сурчаан, приз — 30 000 рублей.
На III место вышел Гаврил Стручков из Эвено-Бытантайского улуса на лошади по кличке Звезда, приз — 20 000 рублей.
Общий призовой фонд скачек составил 200 000 рублей, спонсором приза выступило МО «Верхоянский район». В скачках участвовали только лошади якутской породы.
Скачки проводятся для популяризации профессии коневода-табунщика, пропаганды и формирования здорового образа жизни, обмена опытом и укрепления дружеских связей между коневодами республики.
