Кулун тутар 1 күнүгэр А.П.Петров аатынан Бэйдиҥэтээҕи норуот айымньытын киинигэр Саха Өрөспүүбүлүкэтин норуотун маастардарын күнүн көрсө Арассыыйа худуоһунньуктарын айар искусствотын сойууһун чилиэнэ, Саха Өрөспүүбүлүкэтин норуотун маастара, үһүйээннэргэ олоҕуран уос номоҕор киирбит өбүгэлэрбит уобарастарынан таҥныбыт таҥастарын сахалыы тыыннаан оҥорон таһаарбыт бастакы маастарбыт Ольга Петровна Колодезникова 10 сыллаах үлэтин көрдөрөр «Уран иис-өбүгэм бэлэҕэ» тэрээһин буолан ааста.
Тэрээһин саҕаланыыта Уус-Алдан улууһун маастардарын көһөрүллэ сылдьар быыстапкатын аһыллыыта, көрүүтэ буолла.
Салҕыы Уус-Алдан улууһун маастардара маастар кылаастары ыыттылар
- туйаҕы таҥастаан киэргэл, тимэх оҥоруу маастар Светлана Семеновна Олесова
- оҕуруонан киэргэллэри оҥоруу маастар Любовь Николаевна Саввина
- тириинэн, кумааҕынан кырыйыы, СӨ уус-уран оҥоһуктарын маастара Евдокия Иннокентьевна Иванова
Тэрээһин үөрүүлээх чааһыгар Ольга Петровна Колодезниковаҕа Өлтөх нэһилиэгин Аҕа баһылыга Константин Анатольевич Алексеев «Өлтөх нэһилиэгин бочуоттаах олохтооҕо» ааты туттарда, СӨ Бырабыылыстыбатын бэрэссэдээтэлин солбуйааччытыттан Сергей Васильевич Местниковтан Махтал сурук, Уус-Алдан улууһун баһылыгыттан Василий Иванович Аммосовтан, Уус-Алдан култууратын начальнигыттан Сергей Сергеевич Нафанаиловтан эҕэрдэ суруктар туттарылыннылар. Ону тэҥэ биир дойдулаахпытыгар улуустааҕы Олоҥхо дьиэтин специалиһыгар Матрена Николаевна Герасимоваҕа «Өлтөх нэһилиэгэр социальнай уонна экономическай сайдыытыгар кылаатын иһин» знак туттарылынна. Тэрээһиҥҥэ «Ырыам уонна сибэкки» ансаамбыл, «Эр Модун» эр дьон үҥкуутун бөлөҕө, «Сардаҥа» үҥкүү коллектива, «Дьүөгэ» үҥкүү коллектива, Федот Винокуров, дуэтнай үҥкүү — Клара Алексеева, Сардаана Михайлова кыттыыны ыллылар, ону тэҥэ олохтоох маастар Ольга Петровна тикпит «Кийиит Бэйдиҥэ», «Киэһээҥҥи көстүү», Саха интеллигенциятын коллекциялара.