Олунньу 14 күнүгэр Дьоллоох Дьокуускай куораттан үүнэр көлүөнэ тыйаатыра саҥа испэктээхтэри көрдөрдө.
Бастаан кыракый оҕолорго аналлаах хотугу норуоттар остуоруйаларыгар олоҕурбут «Кэҕэ» диэн испэктээҕи аҕалан туруордулар. Мин аан урут кулуупка киирдэ киирээт «Оо дьэ хайдах көрөбүт, кырата бэрт көрөөччүлэр кэлбиттэр» диэн санаа көтөн түспүтэ. Дьэ испэктээк саҕаланна олох да уу чуумпу, ол курдук испэктээх хайдах саҕаламмыт түгэнэттин бүтүөн тухары, бары биир тыынынан олорон, бэл хамсаабакка да көрдүбүт.
Испэктээх кэннэ үүнэр көлүөнэ тыйаатырын эдэр артыыстара, оскуола оҕолоругар, эдэр ыччаттарга тоҕо артыыс идэтин талбыттарын, артыыс буоларга ханна үөрэниэххэ сөбүн сырдатыы оҥордулар.
Дьэ аны икки испэктээхпит эдэр ыччаттарга аналлаах «Мин кыракый таҥарам» диэн испэктээҕи туркордулар. Аан урут испэктээк саҕаланыыта өйдөммөт курдук эрээри, син түмүллэн бүтэһигэр түмүктээх буолла, испэктээк сүрүн сыалынан билиҥҥи олоҕу көрдөрөр, билиҥҥи оҕону табатык иитиигэ төрөппүккэ сүбэ-ама быһыытынан өйдүөххэ сөп.
Бу испэктээх биһиэххэ анаан туран тапталлаах күннэригэр сөрү-сөп түбэспитэ олус дьикти буолла.
Испэктээхтэргэ,б көрөөччү элбэх кэлбитэ көрөргө олус кэрэ.
Сонуннарга анаан Өлтөх олохтоох прессата