Олунньу 2 күнүгэр Н.Н.Тарскай аатын сүгэр Спорт Дыбарыаһыгар Уус Алдан сылы түмүктүүр тэрээһинэ үөрүүлээхтик ыытылынна.
Тэрээһиҥҥэ сарсыардаттан саҕалаан нэһилиэктэринэн выставкалар туруорулуннулар.
Хас биирдии нэһилиэктэн үстүү нүөмэр ирдэнэн олохтоохтор улахан уһун киэҥ кэнсиэри көрдүлэр-иһиттилэр.
Биһиги нэһилиэктэн кэнсиэргэ: Эр Модун үкҥүү бөлөҕө, Игнатий Слепцов — Соло, «Ырыам уонна сибэкки» ансамбль баран кыттыыны ыллылар. Нэһилиэктэн уопсайа 4 массыынанан баран кыттан, сыл түмүгүн сэргээн кэллибит.
Быйылгы тэрээһин уратыта диэн кэнсиэрэ босхо, сарсыардаттан киэһээҥҥэ диэри нэһилиэк бастыҥнара тахсан бэйэлэрин көрдөрдүлэр, киэҥ уораҕайдаахпытын биллибит, устатын-туоратын тухары атыы эгэлгэтэ тардылынна. А.Н.Жирков аатынан Бэйдиҥэ орто оскуолата бэйэтэ оҥорон таһаарбыт ыҥырыаттан араас продукцияннан кыттыыны ылла.
Киэһээҥҥи өттүгэр сыл бастыҥнарын эҕэрдэлээһин В.В.Никифоров-Күлүмнүүр аатынан «Тойон Мүрү» дыбарыаһыгар ыытылынна. Биһиги нэһилиэктэн бастыҥнар кэккэлэригэр киирдилэр:
— Социалистическай Үлэ Дьоруойа А.С.Копырина аатынан бириэмийэ — бастыҥ тыа хаһаайыстыбатын салаатын үлэһитигэр Коллективнай фермерскэй хаһаайыстыба салайааччытыгар, урбаанньыт Ариан Егорович Жирковка ананна.
— Дьиэ уот коллективнай хаһаайыстыбатын бастыҥ үлэһитэ анал аат — Дьиэ уот коллективнай хаһаайыстыба Уус Алданнааҕы филиалын Өлтөх нэһилиэгин Арыылаах бөһүөлэгин участогын электросварщигар Ефим Егорович Дегтяревка ананна.
— Уон Бастыҥ спортсмен иһигэр Бастыҥ спортсмен анал аат ананна — Төрүккү оҕунан ытыы маастарга кандидатыгар Оксана Егоровна Охлопковаҕа.
Биир дойдулаахтарбытын үрдүк ситиһиилэринэн эҕэрдэлиибит.
Сонуннарга анаан Өлтөх олохтоох прессата.
