Алтынньы 3 күнүгэр А.П.Петров аатынан Бэйдиҥэтээҕи норуот айымньытын киинигэр саҥа кинозал арыллыытын үөрүүлээх түгэнэ буолан ааста. Ол туһунан Бэйдиҥэтээҕи норуот айымньытын киинин директора Игнатий Слепцов сырдатар:Саха сиригэр Культура уонна духобунас сайдыы министиэристибэтэ иккис сылын саҥа кинозаллары арыйыыга граннары ыытар. Биһиги иккис сылбытын бу күрэххэ киирсэн 1 млн суумалаах граны ылары ситистибит. Бу күнтэн ылата саха сиринээҕи Cinema кинотеатр нөҥүө көстөр киинэлэр тутатына көстөр кыахтаннылар. Кинозалбытын билигин сахабыт сиригэр тыҥаан турар киинэнэн «Лоокуут уонна Ньургуһунунан» арыйдыбыт. Зал иһэ тобуус толору кыра оҕотуттан, саастааҕар тиийэ саҥа кинозалбыт арыллыытын үөрүүлээх түгэнин үллэстэ, кэлбиттэрэ олус үөрүүлээх. Кинозал арыллыытыгар урут биһиги нэһилиэккэ үлэлээн ааспыт киномеханиктарбыт Тимофей Николаевич, Прасковья Петровна, Андрей Константинович кэлэн тыл эттилэр, урукку киинэ историятыттан сырдатан аастылар, кинилэргэ махтал сурукпутун ону тэҥэ Бэйдиҥэҕэ хомулан оҥоһуллан тахсыбыт «Саха мүөт» хампаанньа быйылгы мүөтүн аан бастакынан ылар чиэскэ тигистилэр.
