Сэтинньи 11 күнүгэр «Эдэр Карбышевецтар» оҕо байыаннай-патриотическай уопсастыбаннай хамсааһын Саха сиринээҕи салаата Улуу Новгород сириттэн аҕалбыт «Ытык Ильмень устунан» диэн ааттаах 19-с хайыһар биригээдэтин Бойобуой Знамятын Уус-Алдан улууһун Өлтөх нэһилиэгин олохтоохторо, үөрэнээччилэрэ уруйдуу-айхаллыы көрүстүлэр!
Бүгүн 19-с хайыһар биригээдэтин Бойобуой Знамята Ильмень күөлгэ охтубут биир дойдулаахтарбытын кэриэстиир сыаллаах, илин эҥэр улуустарынан барытын кэрийэн биһиги улууспутугар, биһиги нэһилиэкпитигэр тиийэн кэллэ. Бойобуой Знамяны үөрүүлээх быһыыга-майгыга Мэҥэ-Хаҥалас улууһуттан аҕаллылар Иван Иванович Колодезников салайааччылаах Уус-Алдан делегацията.
А.Н.Жирков аатынан Бэйдиҥэ орто оскуолатын үөрэнээччилэрэ Россия, Саха сирин уонна Уус-Алдан улууһун былаахтарын күөрэччи тутан киллэрдилэр , ону тэҥэ Бойобуой Знамяны киэҥ саалаҕа киллэрдилэр «Тускул» байыаннай-патриотическай кулууп чилиэттэрэ — Сулустан Чаҕыл-Сырдыктаан Байылыат Уола уонна Максим Винокуров.
Тэрээһиҥҥэ тыл эттилэр: Гаврил Гаврильевич Тимофеев — Уус-Алдан улууһун үөрэҕин управлениятын начальнига, Константин Анатольевич Алексеев — Өлтөх нэһилиэгин Аҕа баһылыга.
Эҕэрдэ нүөмэрдэринэн киэргэттилэр: Саха Республикатын культуратын туйгуна Иван Румянцев, А.Н.Жирков аатынан Бэйдиҥэ орто оскуолатын 7 кылааһын үөрэнээччитэ Туяна Дансарунова; улуустааҕы, республикатааҕы бальнай үҥкүү көрүүтүн хас да төҥүллээх лауреаттара, Гран-При хаһаайыттара «Сардаҥа» бальнай үҥкүү коллектива.
Тэрээһини ыыттылар: Валентина Лугинова, Рустам Атласов. Сценарийы суруйда: Майя Аржакова. Выставканы туруорда Бэйдиҥэтээҕи модельнай библиотека. Уопсай тэрээьин хаамыытыгар сурун куус буолбут сана тэриллибит о5о, эдэр ыччат «Солнышко» хамсааьын тэрилтэтигэр бар5а махталбытын биллэрэбит.
