Уһун кыыдааннаах кыһыммытын этэҥҥэ туораан, күөххэ үктэммит үөрүүбүтүгэр, өбүгэбит үтүө үгэстэрин тутуһан, бары биир өйгө- санааҕа түмүллэн, самаан сайыммытын үөрэ- көтө көрүстүбүт!
Ол курдук, Өлтөх нэһилиэгин кэрэ аҥардара ыам ыйын 22 күнүгэр
салама ыйаатыбыт, боҕоруускай отунан ыраастанныбыт, «Сарыал» түөлбэ салайааччыта Мария Иннокентьевна Егорова хомустаата, үчүгэйкээн күҥҥэ айылҕаҕа аһаатыбыт. Аҕам саастаахтара наһаа үчүгэйдик сылдьан, сынньанан кэллибит диэн махтаннылар.
Ол кэннэ Бэйдиҥэ сынньалаҥ пааркатыгар оһуохайдаатыбыт. Оһуохайы таһаардылар Мария Федоровна Александрова, Мария Кондратьевна Говорова, Зоя Иннокентьевна Шепелева.
Ону тэҥэ күүстээх аҥардарбыт аҕам саастаахтары, соҕотох кэрэ аҥардары куһунан күндүлээтилэр.
