Кулун тутар 28 күнүгэр улуустааҕы «Культура уонна спорт — сэлиэнньэҕэ» фестиваль комиссиятын дьүүлүгэр эдэр хаһаайка Анна Дмитриевна Львова дьиэ хаһаайкаларын күрэҕэр нэһилиэк чиэһин көмүскээтэ.
Киэһээ өттүгэр нэһилиэк уус-уран самодеятельноһын кыттыылаахтарынан турбут Н.Д. Неустроев «Куһаҕан тыын» комедиятын комиссия дьүүлүгэр таһаардылар. Сүрүн оруолларга: Николай Артамонов, Варвара Горохова, Федот Жирков, Александр Лугинов, Дмитрий Андросов, Зоя Шепелева, Иннокентий Петров, Никифор Пестряков, Наталья Желобцова оонньоон дьон биһирэбилин ыллылар.
Түмүккэ дьиэ хаһаайкатын көрүү быыстапката 4,78 баалы, спектакыл 4,28 баалы ылары ситистэ.