Алтынньы 27 күнүгэр күнүс 11 чаастан А.П.Петров аатынан Бэйдиҥэтээҕи норуот айымньытын киинигэр Аар Айыыларга, сирбит-дойдубут иччилэригэр үҥэн-сүгүрүйэн, Үрүҥ күн анныттан үрүҥ күүһү көрдөһөр, куһаҕаны үтэйэр, ыарыыны ыраах кыйдыыр, ыарыыны ыраах кыйдыыр, ыарыыны-сүтүүнү дьалбарытар, куппутун-сүрбүтүн бөҕөргөтөр, олорор эйгэбитин ыраастыыр, өйбүтүн-санаабытын сааһылыыр аналлаах Алгыс буолла.
Кэлбит дьону алгыстаах алаадьынан «Дүөгэ» түмсүү күндүлээтэ (салайааччы Аржакова М.И.), арчылыырга өйү-санааны сааһылыырга Слепцов И.В. алгыс эттэ , Хотой Айыы алгыһын бигэргэтэн, ис кыахпытын арыйдыбыт, турукпутун сааһыланныбыт, куппутун-сүрбүтүн бөҕөргөттүбүт, биир сомоҕо буоламмыт илии илииттэн ылсан күргүөм оһуохайы төрүттээтибит (оһуохай тылын таһаардылар Александрова М.Ф. уонна Слепцов И.В.)