Быйыл нэһилиэкпитигэр ыһыах саамай уустук тэрээһинин — күнү көрсүү сиэрин туомун саҥа сүүрээннэри туһанан тэрийдибит. Маныаха дьон сэргэ сүргэтэ көтөҕүллэн сүрдээх көхтөөхтүк кыттыыны ылла диэн сыаналыыбыт. Инникитин даҕаны тиһигин быспакка тэриллиэ диэн эрэллээхпит.
Онтон быйылгы күрэххэ 1 миэстэни ыллылар Арыылаахтан Мария Николаевна Карамзина, 2 миэстэҕэ тигистэ Арыылаахтан 6 саастаах Валентин Николаев, 3 миэстэнэн наҕараадаланар Николаева-Солдатова Мария Робертовна. Уонна биһирэбил бириис туттарыллар Өлтөх сиригэр күн көрсүүтүн араас ракурстан табыгастаахтык хаартыскаҕа түһэрэн үйэтиппит Наталья Семеновна Алексееваҕа. Кыайыылаахтар улэлэрин инстаграм ситимигэр #Күнүкөрсүүөлтөхсирэ диэн хештегынан булан керуеххутун сеп.
Аан бастакытын куйаар ситим нөҥүө ыытыллыбыт күнү көрсүү күрэҕэр көхтөөхтүк кыттыбыт бары биир дойдулаахтарбытыгар тэрийээччилэр ааттарыттан барҕа махтал тылларын аныыбыт.