“Уоттаах сэрии кутаата” Өрөспүүбүлүкэтээҕи күрэххэ барыта 20 күрэхтэһээччи сайаапкатын ыытан кыттыыны ылла, барыта 25 үлэ көрүлүүнү ааста. Ахтыылар да кэпсээннэр да олус бэрткэ суруллубуттар, үрдүк таһымнаахтар. Бу күрэхпитин сылын ахсын тэрийэн ыытар санаалар киирдилэр. Күрэххэ Өрөспүүбүлүкэбит араас улуустарыттан, ол курдук: Уус-Алдантан, Ньурбаттан, Чурапчыттан, Дьокуускайтан, Дьааҥыттан, Уус-Дьааҥыттан, Кэбээйиттэн, Амматтан кыттыыны ылбыттара олус кэрэхсэбиллээх. Дьүүллүүр сүбэ сыанабылын билсиһиннэрэбит ол курдук,
Сэрии туһунан кэпсээннэргэ улахан дьоҥҥо:
I Үрдэл: Евграфова Тамара Семеновна «Сэмэкээй сэмэй таптала» кэпсээнин иһин.
II Үрдэл: Слепцов Семен Николаевич «Иэдээн» кэпсээнин иһин.
III Үрдэл: Находкина Татьяна Петровна «Соһуччу түгэн» кэпсээнин иһин.
Сэрии кэмин туһунан ахтыыларга улахан дьоҥҥо:
I Үрдэл: Егорова Светлана Георгиевна – Тулуйхаана «Харах уулаах кыайыы күнэ» ахтыытын иһин.
II Үрдэл: Татаринова Ольга Михайловна «Сэрии» ахтыытын иһин.
III Үрдэл: Варламова Анастасия Иннокентьевна «Күөрчэх ытыгын лыҥкынас тыаһа» ахтыытын иһин.
Сэрии туһунан кэпсээннэргэ оҕолорго:
I Үрдэл: Яковлев Сайаан.
Сэрии кэмин туһунан ахтыыларга о5олорго:
I Үрдэл: Анисимов Игорь.
II Үрдэл: Охлопкова Татьяна.
Айымньылар Үгүстэрэ дьиҥнээҕимситэ сатаан дуу, эбэтэр дьиҥ олоххо буолбуту сөпкө тиэрдэр баҕа санааттан дуу, кэпсээннэр ахтыы, ахтыылар кэпсээн курдук суруллубуттар. Бу айымньылартан чахчы уус-уран айымньы (кэпсээн) диэҕи баҕарыллар:
— Сэрии оҕотун дьылҕата
— Соһуччу түгэн
— Иэдээн
— Сэмэкээн сэмэй таптала
— Кээтии дьылҕата
Хаалбыт сорох айымньылары уочаркаларга, сороҕун эссеҕэ киллэриэххэ сөп курдук.
Бары да суруйуулар олус үчүгэйдэр.
Кыттааччыларга тус олоххутугар, айар үлэҕитигэр өссө үрдүк үктэллэри баҕарабыт.
