⚜️🔱⚜️🔱⚜️🔱⚜️🔱⚜️
Күндү биир дойдулаахтарбыт, Өлтөх нэһилиэгин үтүө-мааны олохтоохторо!
Кулун тутар 3 күнүгэр Өлтөх нэһилиэгэр 🚩Улуу Кыайыы🚩 8️⃣0️⃣ сылын көрсө «Уруйдуубут Улуу Кыайыыны!» диэн, Уус Алдан нэһилиэктэрин икки ардыларыгар ыытыллар бэстибээл биһиги нэһилиэккэ өрө көтөҕүллүүлээхтик ыытылынна. Киэһэ 18.30 чаастан быыстапка көрүүтүттэн саҕаламмыта.
19 чаастан уус-уран самодеятельность кэнсиэрэ буолбута.
Барыта 18 номер сыаналанна. Дьүүллүүр Сүбэ быһаарыытынан Лауреат үрдүк ааттарын ыллылар:
Юлия Говорова «Журавли» ырыата, Игнатий Слепцов бэйэтэ суруйбут «Төннүөҕүм төрөөбүт дойдубар» хоhооно, «Ырыам уонна сибэкки» вокальнай ансамбль «Арыылааҕым сыһыыта» норуот ырыата, трио Ефим Дегтярев, Евдокия Карамзина, Николай Петров «Умнуохпутун сатаммат» буойун-поэт И.Артамонов ырыата, «Чороонноох үҥкүү» бөлөҕүнэн толоруу Людмила Кириллина туруоруутугар, көлүөнэ үҥкүүтэ «Уруйдан Сахам сирэ» Александра Саввина туруоруутугар, дуэтнай «Кыайыы үҥкүүтэ» Владислав, Вячеслав Яковлевтар толорууларыгар.
Бииртэн биир чаҕылхай нүөмэрдэр көрөөччүлэр сүргэлэрин көтөхтүлэр. Ол курдук фольклорга
норуот ырыатын Игнатий Слепцов толоруутугар хомуhунан киэргэттилэр Мария Егорова, Федот Винокуров, күпсүүргэ оонньоотулар Антон Иванов, Максим Боярский. Екатерина Румянцева, Прасковья Данилова дуэтнай ырыалара, Айтал Карамзин, Евгений Алексеев сольнай ырыалара, келүөнэнэн «Синий платочек» үҥкүү, Людмила Кириллина, Намыына Дегтярева дуэтнай үҥкүүлэрэ, «Ийэ хараҕын уутугар» Эр Санаа — Ох Хотор театрализованнай туруоруута, «Сэрии тулаайаҕа» үҥкүүнү Людмила Кириллина туруоран толоруутугар, Мария Говорова «Кыайыы оһуохайа». Хас биирдии нүөмэр сүрдээх элбэх бэлэмнэниини барбыта көстөр. «Ырыам уонна сибэкки» вокальнай ансамбль (сал.Евдокия Карамзина), «Чороонноох үҥкүү» саҥа таҥастара бэстибээли киэргэттэ. Эр дьон ансаамбылыгар сыанаҕа аан бастакытын тахсар уолаттар кытыннылар, инникитин бу уолаттар салгыы ыллаан вокальнай бөлөх буолалларыгар баҕарабыт. Махтанабыт куруутун кыттар сцена бэтэрээннэригэр Василий Стрекаловскайга, Семен Алексеевка, Николай Сивцевка, Розалия Охлопковаҕа, Татьяна Дегтяреваҕа, Дмитрий Андросовка, Ольга Колодезниковаҕа. Көстүүмнэри тиктилэр Анастасия Афанасьевна Охлопкова, норуот маастардара Ольга Петровна Колодезникова, Яна Петровна Ядреева, кэнсиэри иилээн-саҕалаан ыыттылар Валентина Лугинова, Оксана Охлопкова, экранҥа көстөр роликтары оҥордо Федот Винокуров, музыканан уотунан киэргэтиини оҥордо Иван Румянцев, концерт режиссуратын уонна сценарийы суруйда Майя Аржакова.
Күүс-көмө буолбут Өлтөх нэһилиэгин Аҕа баһылыгар Алексеев Константин Анатольевичка, баһылык солбуйааччыларыгар Артамонов Иннокентий Ивановичка, Местникова Ирина Спартаковнаҕа, биир дойдулаахпыт Матрена Николаевна Герасимоваҕа, олоҥхо дьиэтин специалиһыгар Алена Константиновна Давыдоваҕа, Арыылаахтааҕы «Кэнчээри» оҕо уһуйааныгар (сэбиэдиссэй А.Д.Бурншева) уонна бары олохтоох дьаһалта улэһиттэригэр тэрийээччилэр ааттарыттан махтанабыт.
Махтанабыт Өлтөх нэһилиэгин тэрилтэлэригэр, техниканан көмөлөспүт бары суоппардарбытыгар, чуолаан Спиридон Николаевич Алексеевка.
Бэстибээл быыстапката эмиэ үрдүктүк сыаналанна. Быыстапкаҕа ветераннары үйэтитиигэ сайтка киллэрии күүскэ ирдэммитин библиотека үлэһиттэрэ Мотрена Никонова, Нюргуяна Васильева, Валерия Кириллова тутуһан оҥордулар. Бу үлэ салгыы да ыытыллар. Онно нэһилиэккэ тахсыбыт Кыайыыга аналлаах кинигэлэри, архивы хасыһан туһаныы үлэлэрэ ыытыллыбыта саарбаҕа суох. Быыстапка ирдэбилинэн «Бессмертный полк», «Бессмертный материнский подвиг», «Сэрии кэминээҕи экспонат» туруорулуннулар. Быыстапканы туруорууга Бэйдиҥэ орто оскуолата (директор Л.А.Дансарунова), Орто-Эбэ анал коррекционнай интернат оскуолата (директор Н.К.Колодезникова), Орто-Эбэ сүрүн оскуолата (директор Н.Н.Саввина), музей үлэһитэ Ульяна Ивановна Охлопкова экспонат аҕалан туруоран, оскуола оҕолорунан кэпсэтиннэрэн бэлэмнээтилэр. Кыайыы 80 сылын көрсө
үгүс элбэх баннер оҥоһулунна. Биир дойдулаахпыт буойун-поэт И.И.Артамонов туһунан Арыылаах библиотекатын фондатыттан, Бэйдиҥэтээҕи федеральнай модельнай библиотека фондатыттан материаллар быыстапка сүрүн тематын арыйыыга туруорулуннулар.
Быыстапка киэргэтиитигэр Николай Петров, Егор Михайлов, Надежда Колодезникова, Ирина Местникова, Валерия Кириллова, Мотрена Никонова, Нюргуяна Васильева кыраҕы харахтарынан көрөн, хонтуруоллаан туруордулар. Быыстапкана бэйэлэрин баҕа өттүлэринэн Пелагея Неустроева, Розалия Охлопкова иис өттүгэр кэлэн иистэннилэр, георгиевскай лиэнтэлэри тэлимнэччи тигэннэр, быыстапка көстүүтүн ситэрэн биэрдэ. Бэстибээл дьүүллүүр сүбэтин көрсүүгэ аһылыгын бэлэмнээбит Бэйдиҥэтээҕи «Чэчир» оҕо уһуйаана (сэбиэдиссэй В.П.Горохова), арыылаах алаадьынан көрсүбүт «Дэгэйик» үҥкүү бөлөҕөр (сал.Л.С.Васильева) махталбытын тиэрдэбит.
Улуус бэстибээлин түмүгүнэн бастакы группаҕа 9 нэһилиэк кыттыбытыттан Өлтөх нэһилиэгэ 1кы миэстэни ылары ситиспиппит үөрүүлээх сонун буолла. Үрдүк таһымнаах тэрээһиҥҥэ биир санаанан салайтаран, сомоҕолоһон үлэлээһин түмүктээх буоларын өссө төгүл дакаастаатыбыт. Инникитин даҕаны маннык көхтөөхтүк үлэлээн нэһилиэкпит сайдарын туһугар бииргэ буолуоҕун.
Онтон Кунду көрөөччүлэрбитигэр
ытыскыт тыаһын харыстаабакка, кыттар дьоҥҥутун өйөөбүккүтүгэр кэнсиэр кыттыылаахтарын аатыттан махталбытын аныыбыт!
«Бэйдиҥэтээҕи А.П.Петров аатынан норуот айымньытын киинэ»,
Арыылаахтааҕы «Эйгэ» с.к. аатыттан Майя Аржакова,
Евдокия Карамзина.
⚜️🔱⚜️🔱⚜️🔱⚜️🔱⚜️
