Бүгүн Уус Алдан улууһун Өлтөх нэһилиэгэр Арассыыйаҕа «Аҕа дойдуну көмүскээччилэр», Саха Өрөспүүбүлүкэтигэр «Ийэ дойдуну көмүскээччилэр» сылларын арыйыы үөрүүлээх тэрээһинэ ыытылынна. Тэрээһини А.Н.Жирков аатынан Бэйдиҥэ орто оскуолатын үөрэнээччилэрэ Тэтим оҕо үҥкүү коллектива «Женская пляска» военнай үҥкүүнэн саҕалаатылар. Нэһилиэк баһылыга Алексеев Константин Анатольевич эҕэрдэ тыл эттэ, олохтоох музей үлэһитэ Охлопкова Ульяна Ивановна ахтыы оҥордо, ол кэннэ строевой смотр күрэҕэр бары кылаас оҕото барыта кытынна, түмүккэ военизированнай эстафета ыытылынна.
Бүгүҥҥү тэрээһиммит биир сүрүн өйдөбүлүнэн «Улуу Кыайыы 80 сылынан» кыайыы күнүгэр диэри 80 күн хаалбытын бэлиэтээһин быһыытынан буолла.
