Ахсынньы 7 күнүгэр Өлтөх нэһилиэгэр Дьиэ-кэргэн, Оҕо саас, Аҕа сылын чэрчитинэн «Үҥкүүлээ уол оҕо, үҥкүүлээ эр хоһуун» улуустааҕы үҥкүү түһүлгэтин күрэҕэ буолла. Нэһилиэкпитигэр 2013 сыллаахха «Эр Модун» эр дьон үҥкүүтүн бөлөҕө тэриллибитэ. Ыал аҕалара, эһээлэрэ үҥкүү кэрэ эйгэтигэр уһуйулланнар араас хабааннаах тэрээһиннэргэ, күрэхтэргэ, фестивалларга кыттаннар үүнэр көлүөнэҕэ холобур буолаллар.
Ол курдук күрэххэ барыта 156 уол оҕо кыттааччы, 8 биирдиилээн уонна икки буолан толорооччулар, 13 үҥкүү коллектива кытыннылар.
Дьүүллүүр сүбэ көрүүтүн түмүгүнэн:
- «Кылаан чыпчаал» — «Уоланнар» гимназия (15-17 саастаахтар)
Бөлөҕүнэн толорууга
- 1-кы бөлөххө (7-10 саастаахтар)
- 1 үрдэл — «Алаас уолаттара» (Баатаҕай)
- 2 үрдэл — «Долун» (Найахы)
- 3 үрдэл — «Дьиэрэҥкэй» (Бээрийэ)
- 2-с бөлөххө (11-14 саастаахтар)
- 1 үрдэл — «Уоланнар» (Мүрү гимназията)
- 2 үрдэл — «Уолан» (Мүрү култуура дыбарыаһа)
- 3 үрдэл — «Кустук» (Арылах)
- 3-с бөлөххө (15-17 саастаахтар)
- 1 үрдэл — «Тэтим» (Бэйдиҥэ)
- 2 үрдэл — «Күндээр» (Мүрү 1 оскуолата)
- 3 үрдэл — «Долун» (Найахы)
Биирдиилээн толорооччуларга
- 1-кы бөлөххө (7-10 саастаахтарга)
- 1 үрдэл — Артем Белолюбскай (Баатаҕай)
- 2 үрдэл — Артур Иванов (Тумул)
- 3 үрдэл — Антон Неустроев (Уолан гимназия)
- 4-с бөлөххө (18 саастарыттан үөһээ)
- 1 үрдэл — Алексеев Спиридон Николаевич (Бэйдиҥэ)
Дуэтнай үҥкүүгэ
- 1-кы бөлөххө (7-10 саастаахтарга)
- Ваня Попов, Влад Кибилицкий (Орто-Эбэ коррекционнай оскуола-интерната)
Маны таһынан анал ааттар ананнылар, ол курдук «Эдэр кэскиллээх толорооччу» — Артем Белолюбскай, «Көрөөччү биһирэбилэ» — Спиридон Николаевич Алексеев.
Ону таһынан күрэх кыттааччыларыгар бириис олохтообут спонсордарбытыгар Өлтөх нэһилиэгин дьаһалтатыгар, үҥкүү коллективтарыгар, нэһилиэкпит тэрилтэлэригэр, маҕаһыыннарыгар барҕа махталбытын биллэрэбит.
Биирдиилээн хаартыскалары яндекс дискаҕа көрүҥ https://disk.yandex.ru/d/NquoKcaPrZa46A
