Сэтинньи 25 күнүгэр Өлтөх нэһилиэгэр, «Улуу Кыайыы ыһыаҕын алгыһынан арчылаабыт, Өлтөх нэһилиэгин олоҥхоһута Говоров Иван Иванович – Уйбаанабыс төрөөбүтэ 150 сылыгар» аналлааах тэрээһин ыытылынна.
Тэрээһин Уйбанабыс олонхоһут хаан уруу аймахтарыгар Владислав Иваноавич, Туяра Гаврильевна Говоровтар дьиэ кэргэттэригэр дьиэннэн олонхолооһунунан саҕаланна. А.П.Петров аатынан Бэйдиҥэтээҕи НАК киинин директора олонхолоон доллоһутта, Улуустааҕы Олонхо киинин үлэһиттэрэ эҕэрдэ тыл эттилэр, дьиэ хаһаайката баай-талыы мааны астаах, итии чэйдээх сандалы остуолугар олорон салгыы остуол тула кэпсэтии ыытыынна, уопсай хаартыскаҕа түстүбүт.
А.П.Петров аатынан Бэйдиҥэтээҕи НАК киинин фойе саалатыгар Куланатай аатынан литературнай музей, Улуустааҕы киин библиотека, Олонхо этно-культурнай центр, Бэйдиҥэтээҕи олохтоох модельнай библиотека уонна Арыылаах библиотеката, ону тэҥэ сүрдээх баай матырыйаалы сиэнэ Мария Семеновна Павлова 2018 сылтан муспут күндү матырыйааллара сырдатылыннылар.
Кэлбит дьону арыылаах алаадьыннан айах тутан көрүстүбүт.
Тэрээһин арыллыытыгар Уйбаанабыс Улуу кыайыы ыһыаҕын арчылаан алгыстаабытын Иркутскайдааҕы кинохроника матырыйаала устубут киинэтиттэн быһа тардыыны көрдүбүт.
Сиэннэрэ Мария Семеновна Павлова Говорова И.И.-Уйбаанабыс түгэх сиэнэ буоларын сырдатта, Олоҥхоһут туһунан араас источниктартын булбут матырыйаалларын сиһилии билсиһиннэрдэ, Акулина Семеновна Протодьяконова сиэнэ буоларынан чугас аймах дьонун туһунан, Уйбаанабыс туһунан тугу истибитин кэпсээтэ.
Уус-Алдан улууһун Олонхо этнокультурнай киин директора Алексеева Марфа Константиновна тыл эттэ, эҕэрдэ суруктарын туттарда.
А.Н.Жирков аатынан Бэйдиҥэ орто оскуолатын иһинэнэн үлэлиир «Саһарҕа» тыйатыраальный куруһуок иитиллээччилэрэ, Анна Борисова Колосова туруоруутугар Мария Обутова «Дьурайаан Бэргэн» олонхотун оонньоон көрдөрдүлэр.
НАК иһинэн үлэлиир «Аман өс” куруһуок уолаттара Аржакова Майя Иннокентьевна салайыытынан «Мин дойдум-Сахам сирэ» хоһоон аахтылар.
«Тэтим» оҕо үҥкүү бөлөҕө Кириллина Людмила Ивановна туруоруутунан «Уһуктуу» диэн саҥа үҥкүүлэрин көрдөрдүлэр.
Култуура эдэр специалистара Алена Даыдова София Сидорова норуот ырыаларынан попури толордулар.
Говоров Уйбаан Уйбаанабыс сиэн Иван Ефимович кыргыттара Наталья, Анна Ивановналар, сиэнэ Владик кыттыыны ыллылар, ону тэҥэ Уйбаанабыс хос сиэнэ кыргыттар сценаҕа тахсан хомуска ооньоон көрдөрдүлэр.
Түмүккэ уопсай хаартыскаҕа түһүү олохтонно.
Сонуннарга анаан Өлтөх олохтоох прессата.
