Сэтинньи 5 күнүгэр Өлтөх нэһилиэгин Бэйдиҥэ бөһүөлэгэр А.П.Петров аатынан норуот айымньытын киинигэр Сомоҕолоһуу күнүн чэрчитинэн бэртээхэй, сэргэх, сонун тэрээһин буолан ааста. Бэйдиҥэ бөһүөлэгин түөлбэлэрэ тас дойдулар олохторун- дьаһахтарын, культураларын, дойдуларын уратытын кэпсиир, көрдөрөр күрэскэ кытыннылар. Ол курдук «Туйма» түөлбэ Японияны, «Кэскил» түөлбэ Грузияны, » Эрчим» түөлбэ Индияны, » Сарыал» түөлбэ Испанияны көрдөрдүлэр. Түөлбэлэр бары түмсэн, үчүгэйдик бэлэмнэнэн сыһыарыллыбыт дойдуларын бары өттүнэн киэҥник сырдаттылар. Күрэс 3 түһүмэҕинэн барда.Бастакы түһүмэххэ национальнай таҥаһы кэтэн хаамыы, бу дойду туһунан информация. Иккис түһүмэххэ 2 персонаҕа остуол сервировката. Үһүс түһүмэххэ национальнай бүлүүдэни билиһиннэрии.
Япония, Грузия, Индия, Испания национальнай таҥастарын таҥнан, бу дойдулар уратыларын билиһиннэрэн, аһыыр астарын сервировкалаан көрдөрдүлэр. Түмүккэ бастакы миэстэни «Сарыал» түөлбэ, иккис миэстэни «Кэскил» түөлбэ, үһүс миэстэни » Эрчим» түөлбэ ылары ситистилэр уонна олохтоох дьаһалта бириистэринэн наҕараадаланнылар. Бу тэрээһиҥҥэ кыттыбыт, кэлбит дьон бары үөрэн- көтөн, сэргэхсийэн, үгүһү билэн- көрөн тарҕастылар.
