Сэтинньи ый 26 күнүгэр доруобуйаларынан хааччахтаах дьон декадалара Бэйдиҥэ бөһүөлэгэр бэрт тэрээһиннээхтик ааста. Манна Өлтөх нэһилиэгин олохтоохторо, ону тэҥэ Курбуһахтан, Сыырдаахтан смешаннай улууска биллэр спортсменнарбыт кыттыһан кэлэннэр кытыннылар, сүрдээҕин үөртүлэр. Декада үөрүүлээх аһыллыыта спорт залга буолла. Нэһилиэк спортинструктора Леонид Егорович Марков дартс, воздушканан ытыы, олус интэриэһинэй түһүмэхтэрдээх көрдөөх эстфета ыытта. Эбиэккэ А.П.Петров аатынан Бэйдиҥэтээҕи норуот айымньытын киинигэр ретро таҥаска, көрдөөх оонньууларга конкурстар буоллулар, бэйэ оҥоһугар быыстапка турда, эҕэрдэ музыкальнай нүөмэрдэрдээх буолла. Истиҥ иһирэх кэпсэтиилэр, үҥкүүлэр, бу сылга үгүс элбэх үбүлүөйнэй дааталаах дьоннорбутун бэлиэтээн тэрээһин сүрдээх сэргэхтик ааста. Мин махтаныам этэ биһиги декадабытыгар күүс-көмө, тирэх буолбут Арыылаахтааҕы «Эйгэ» ск , А.П.Петров аатынан Бэйдиҥэтээҕи нак үлэһиттэригэр, олохтоох дьаһалта үлэһиттэригэр Ирина Спартаковна Местниковаҕа, Спиридон Николаевич Алексеевка массыынан илдьибитигэр аҕалбытыгар, викторина ыыппыт библиотека сэбиэдиссэйигэр Никонова Мотрена Иннокентьевнаҕа.Бу курдук биир күҥҥэ ыарыыбытын умнан олус үчүгэй тэрээһин буолан ааста. Кэлэр 2025 сыл эһиэхэ кэрэни- үтүөнү, үгүс элбэх ситиһиини аҕаллын, доруобай, дьоллоох буолун!
Эҕ. кытта «Дьулуур» түмсүү сал. Елена Иннокентьевна Сивцева.
