Бүгүн кулун тутар 1 күнүгэр олохтоох эдэр ыччат А.П.Петров аатынан Бэйдиҥэтээҕи НАК «Туйма», «Өркөн», «Эрчим» хамаандалары олохтоон «Доҕордоһуу киэһэтин» тэрийдилэр, араас күрэхтэри тэрийэн ыыттылар. Саамай тыҥааһыннаах киирсии «Бырайыак күрэҕэ» Өлтөх нэһилиэгэр сонун бырайыак айан, ону көмүскээһин буолла. Кылгас кэм иһигэр мустубут эдэр ыччат, биһиги нэһилиэккэ сонун көстүүнү, саҥа сүүрээннэри тугу, ханныгы олоххо киллэриэххэ сөптөөҕүн ырытыстылар.
Бары күрэхтэр түмүктэринэн: Өркөн 1 миэстэ
Туйма 2 миэстэ
Эрчим 3 миэстэ буолла.
Сарсыҥҥыттан саҕалаан ыччаппыт нэдиэлэтэ тиһигин быспакка өрө күүрүүлэхтик, эдэр ыччаттыы тэтимнээхтик ыытылларын салгыы кэтэһэбит, күүтэбит.
