Кулун тутар 28 күнүгэр Өлтөх нэһилиэгин Арыылаахтааҕы «Эйгэ» с.к. «КЭРЭКЭМ» үҥкүүтүн бөлөҕө, «Кустук» оҕо үҥкүүтүн бөлөҕүн солистара Ефим Сивцев, Варя Черемкина, сцена ветерана Спиридон Алексеев Бэйдиҥэттэн «Сардана» үҥкүү бөлөҕө Култуура сылынан Намҥа ыытыллыбыт «Мичээр» народнай ансамблы төрүттээбит, СР үтүөлээх үлэһитэ Окоемов Александр Николаевич сырдык аатыгар ыытыллыбыт XIII республиканскай «Күн мичээрэ» үҥкүү күрэҕэр ситиһиилээхтик кыттан гала кэнсиэригэр үҥкүүлээн кэллилэр. Кэнсиэр кэнниттэн дьүүллүүр сүбэ наҕараадалары туттардылар. Лауреат I үрдэлэ — Спиридон Алексеев («Узбекскай үҥкүү» сал. Александра Саввина), «Сардаҥа» үҥкүү бөлөҕө («Эҕэрдэ үҥкүүтэ» сал. Мария Алексеева).Лауреат II үрдэлэ -«Кустук» үҥкүү бөлөҕүн солистара Варя Черемкина, Руслан Сивцев («Татарскай үҥкүү», сал. Александра Саввина)Лауреат III үрдэлэ — Руслан Сивцев («Хотугу үҥкүү»), «КЭРЭКЭМ» («Ытык чороон» үҥкүүнэн) сал. Александра Саввина. Бу күн Хатаска ыытыллыбыт «Терпсихора» международнай үҥкүү күрэҕэр «КЭРЭКЭМ» үҥкүү бөлөҕө бастакыларын кыттыннылар. Өлтөх нэһилиэгэр үҥкүү кэрэ эйгэтэ сайдарыгар кылааттарын киллэрэр сцена ветераннарыгар, «Кустук» үҥкүү бөлөҕөр дьарыктанар оҕолорго, кинилэр төрөппүттэригэр барҕа махталбытын тиэрдэбит. Өрүү бу курдук нэһилиэкпит аатын ааттата, киэҥ эйгэҕэ таһаара сылдьаргытыгар эрэнэбит. Транспорынан хааччыйбыт Иннокентий Артамоновка, Спиридон Алексеевка, Мария Егороваҕа коллективтар ааттарыттан махтанабыт.»Эйгэ» с.к. коллектива.
