Олунньу 22 күнүгэр «Эйгэ» сынньалаҥ киинигэр Арыылаах бөһүөлэгэр Аҕа дойдуну көмүскээччилэр күннэригэр аналлаах «ЭР КИҺИ ЭРЭЛБИТ» ТОК («Өркөн өй» быраабылатынан) оонньуу тэрилтэлэртэн иккилии эр бэрдэ кыттыылаах ыытылынна.Орто-Эбэ коррекционнай иҥтернат оскуолаттан Дмитрий Гоголев, Дмитрий Андросов үрүҥ көмүс мэтээллэри, П.П.Пестряков аатынан Орто-Эбэ сүрүн оскуолатыттан Валерий Говоров, Александр Максимов үрүҥ көмүс мэтээллэри, ЖКХтан Александр Габышев, Дмитрий Саввин үрүҥ көмүс мэтээллэри ылары ситистилэр. Туоһу суруктар, өйдөбүнньүк бэлэхтэр туттарылыннылар. Күрэхтэһии кэнниттэн көрөөччүлэргэ уонна кыттааччыларга Кыһыл көмүс мэтээл иһин абсолютнай боппуруостарга Дмитрий Саввин, Наталья Протопопова, Дмитрий Андросов Кыһыл көмүс мэтээли ылары ситистилэр. Күрэҕи олохтоох библиотека үлэһитэ Нюргуяна Лазаревна Васильева ыытта. Инникитин маннык оонньуу күрэх өссө ыытыллыан сөбүн кэлбит дьон биһирээтилэр.
