Кулун тутар 2️⃣2️⃣ күнүгэр Сивыев Иван Николаевич аатынан успуорт саалатыгар, Иванов Афанасий Иннокентьевич салайааччылаах «Урааҥхай» тутуу биригээдэтэ ⚒️ тэриллибитэ 20 сылын бэлиэтээтэ. Үөрүүлээх тэрээһиҥҥэ Өлтөх нэһилиэгин аҕа баһылыга Константин Анатольевич Алексеев тутуу үлэһиттэригэр сэмэй бэлэхтэри, наҕараадалары туттарда. Алексей Алексеевич Иванов, Семен Николаевич Алексеев, Максим Иванович Андросов Уус Алдан улууһун баһылыгын махтал суругунан, Иван Иннокентьевич Румянцев, Александр Афанасьевич Лугинов Саха Өрөспүүбүлүкэтин идэлээх сойууһун федерациятын бочуотунай грамотатынан, Афанасий Иннокентьевич Иванов, Алексей Алексеевич Иванов, Семен Николаевич Алексеев, Максим Иванович Андросов, Иван Иннокентьевич Румянцев, Александр Афанасьевич Лугинов, Петр Петрович Тарскай, Станислав Николаевич Попов, Иван Иванович Говоров Өлтөх нэһилиэгин аҕа баһылыгын махтал суругунан наҕараадаланнылар, Афанасий Иннокентьевич Иванов Өлтөх нэһилиэгин бочуоттаах олохтооҕо буолла.
Эҕэрдэ тылы эттэ, эҕэрдэ сурук туттарда биир дойдулаахпыт, улуустааҕы тутуу уонна капитальнай өрөмүөн технадзора Василий Иннокентьевич Иванов уонна үлэлэригэр тутталларыгар күлүүс инструменнарын бэлэхтээтэ. Тыл эттэ Саха Өрөспүүбүлүкэтин норуотун хаһаайыстыбатын үтүөлээх үлэһитэ, муниципальнай сулууспа туйгуна Сивцев Николай Николаевич, киниэхэ махтанан тутуу уолаттара саха быһаҕын бэлэх ууннулар. Тыл эттэ уонна махтал суруктары туттарда Александр Николаевич Жирков аатынан Бэйдиҥэ орто оскуолатын аатыттан Ульяна Егоровна Белова. Музыкальнай эҕэрдэлэрин тиэртилэр биир дойдулаахпыт Василий Охлопков уонна кырачаан ырыаһыппыт Даниар Ларионов. Ол кэннэ тутуу уолаттара тэрийбит «Аҕа уолунаан» күрэхтэһии буолла.
Күрэхтэһиигэ кыттыыны ыллылар: Алексеев Иннокентий уолунаан Аюранныын, Говоров Василий уолунаан Арчынныын, Винокуров Василий уолунаан Эрханныын, Говоров Иннокентий уолунаан Кешалыын, Данилов Николай уолунаан Харысханныын, Прокопьев Дмитрий уолунаан Германныын, Жирков Ариан уолунаан Егордуун уонна Кузьмин Прокопий уолунаан Тургуннуун.
Сэттэ түһүмэхтээх күрэх кэннэ 1 миэстэни ылары ситистилэр Василий, Эрхан Винокуровтар уонна тутуу биригээдэтин уолаттара олохтообут 25.000. солкуобай уу харчынан наҕараадаланнылар. 2 миэстэни ыллылар Василий, Арчын Говоровтар уонна тутуу биригээдэтин уолаттара олохтообут 10. 000. солкуобай харчынан, күлүүс наборунан наҕараадаланнылар, 3 миэстэни ыллылар Иннокентий, Аюран Алексеевтар уонна тутуу уолаттара олохтообут 10.000. солкуобай уу харчынан, бары кыттыбыттар сэмэй бэлэхтэринэн наҕараадаланнылар. Тэрийээччилэр ааттарыттан бириис олохтообут урбаанньыттарбытыгар «Эйгэ» маҕаһыыҥҥа Прудецкий Афанасий Васильевичка, «Эгэлгэ» маҕаһыыҥҥа Ольга Петровна Колодезниковаҕа, «Арчы» маҕаһыыҥҥа Александр Иванович Говоровка, «А.Н.Жирков аатынан Бэйдиҥэ орто оскуолатын директорыгар Елена Александровна Дансаруноваҕа, «А.П.Петров аатынан Бэйдиҥэтээҕи норуот айымньытын киинин директорыгар Игнатий Васильевич Слепцовка, баһаарынай чааска начальник Евгений Николаевич Алексеевка, Уус-Майаттан Иннокентий Николаевич Алексеевка, Докторов Роман Гаврильевичка, Сивцев Василий Семеновичка, Сивцев Сергей Васильевичка, олохтоох дьаһалтаҕа махтанабыт.
