Ахсынньы 22 күнүгэр Улуу Кытай сиригэр, а5ыйах ахсааннаах Кытай Орочооннорун (ол эбэтэр бэйэлэрэ кэпсэнэллэринэн Кытайга олохтоох эбэҥкилэр), кыттары Саха сирин кытта ырыа-тойук, тыс-өс, матырыйаалынай уонна духуобунай култуураны сөргүтэн сайыннарыыга бииргэ үлэлэҺэргэ диэн соруктаах Меморандум баттаҺыыта олохтонно. Меморадуму Орочооннор общиналарын бэрэссэдээтэлэ уонна Уус Алдан улууҺуттан А.П.Петров аатынан Бэйдиҥэтээ5и норуот айымньытын киинин директора Игнатий Васильевич Слепцов илии баттастылар. Игнатий Васильевич Слепцов бэйэтэ эмиэ хотугу норуот уола буолар, кини омугунан эбээн. Эдэр кэскиллээх суруйааччы хотугу норуоттар тустарынан «Чуолаандьы уонна Чуораандьы» сэҺэнэ киэҥ араҥа5а тар5аммыта, ол сэҺэнэнин билигин аны киинэ оҥорон устарга дьулуҺар. Игнатий Слепцов бу тэрээҺиҥҥэ былыргы эбээн эбэтиттэн истэн хаалбыт ырыаларын толоруута киэҥ сэҥээриини ылла, бэл диэтэр Орочоон олохтоохторо ырыа ис хоҺооно туох туҺуҺунан буоларын өтө таайбыттара элбэ5и кэпсиир. Онон саха сирин кытта Улуу Кытай омугар олохтоох Орочооннор Сахалары кытта тэҥҥэ үлэлэҺэргэ, бэйэлэрин сүтэн симэлийэн эрэр култуураларын сайыннарарга, сөргүтэргэ бэлэмнэр.
