Алтынньы 22 күнүгэр Арыылаахтааҕы «Эйгэ» с.к. үлэтин сезонун аһыллыытыгар анаан «Кулууп уота угуйар» улахан кэнсиэр буолла. Тэрилтэлэртэн П.П.Пестряков аатынан Орто-Эбэ сүрүн оскуолата (дириэктэр Н.Н.Саввина), «Кэнчээри» оҕо уһуйаана (сэбиэдиссэй А.Д.Бурнашева), Орто-Эбэ коррекционнай интернат- оскуолата (директор Н.К.Колодезникова) бэриллибит жанрдарга бэртээхэй номердары туруордулар. «Дууһам иэйиитэ» айар түмсүү хоһоонньуттара Василий Рожин-Баһылай, Анна Докторова-Дайыы, Мария Говорова, Татьяна Винокурова- Күн Сарыала хоһооннорун аахтылар. Кыттыыны ылла сцена ветерана Ефим Дегтярев, «Кустук»оҕо үҥкүүтүн бөлөҕө (салайааччы А.А.Саввина) групповой, дуэтнай үҥкүүлэрэ уонна кырачааннар сценаҕа саҥа үҥкүүнэн сүрэхтэннилэр. Александра Афанасьевна 55-тэн үөһэ саастаах ийэлэргэ, эбээлэргэ «Ытык чороон» диэн ааттаан саҥа үҥкүү туруорда. Үҥкүү ис хоһоонугар сөптөөх таҥас тиктэ охсон, бөлөх тэринэн көрөөччүлэр сүргэлэрин көтөхтүлэр.
Кэнсиэри иилээн салайан ыыттылар эдэр педагогтар Саргылана Григорьева, Андрей Местников. Бастакы холонууну ааспыт конферанстарбытыгар ситиһиини баҕаран туран махталбытын биллэрэбит.
Махтанабыт бары кыттыыны ылбыт дьоммутугар, махтанабыт кэрэ эйгэни сэҥээрэр күндү көрөөччүлэрбитигэр, истиҥ истээччилэрбитигэр.
Бу курдук бука бары БИҺИГИННИИН бииргэ буолуоҕун.
«Эйгэ» с.к. коллективка, 2025 с.
