Кулун тутар 19 күнүгэр Бэйдиҥэ успуорт саалатыгар, биир дойдулаахпыт Саха Өрөспүүбүлүкэтигэр көҥүл тустуу сайдыытыгар сүҥкэн кылаатын киллэрбит, киэн туттар биир дойдулаахпыт ССРС спордун маастара, Саха Өрөспүүбүлүкэтин үтүөлээх тренерэ, Россия Федерациятын үтүөлээх тренерэ, Саха Өрөспүүбүлүкэтин 20-с үйэ спортка лауреата, Уус-Алдан, Горнай улуустарын бочуоттаах олохтооҕо, «Гражданскай килбиэн» бэлиэ хаһаайына, Д.П. Коркин аатынан Государственнай бириэмийэ лауреата, Россия Федерациятын физическэй культураҕа үтүөлээх үлэһитэ Иван Николаевич Сивцев аатын иҥэрии (мемориальнай дуосканы арыйыы) үөрүүлээх тэрээҺинэ буолан ааста. А.П.Петров аатынан Бэйдиҥэтээ5и норуот айымньытын киинин директора алгыс түҺэрдэ, салгыы — Өлтөх нэһилиэгин аҕа быһылыга Константин Анатольевич Алексеев, — Иван Николаевич Сивцев кэргэнэ Алла Алексеевна Сивцева- Саха Өрөспүүбүлүкэтин норуотун хаһаайыстыбатын үтүөлээх үлэһитэ бочуоттаах аат хаһаайына, СӨ үөрэҕириитин, муниципальнай сулууспатын туйгуна, Уус-алдан депутаттарын сэбиэтин чилиэнэ Николай Николаевич Сивцев аан тыл эттилэр, мемориальнай дуосканы арыйыы олохтонно. Успуорт саалатыгар э5эрдэ тыллар, на5араадалар туттарылыннылар. Азия оонньууларын чемпиона, үс төгүллээх Азия призера, Аан дойду кубогын боруонса призера, үс олимпиада кыттыылааҕа, Кыргызтан Өрөспүүбүлүкэтин спортка үтүөлээх маастара, Саха Өрөспүүбүлүкэтин киэн туттуута Айаал Лазарев ыалдьыттаан ааста. Бары билэрбит курдук кини тренерынан, наставнигынан, биһиги биир дойдулаахпыт, Арассыыйа бастыҥ тренера Иван Николаевич Сивцев буолар. Саамай дьиктитэ диэн Успуорт саалатыгар Иван Николаевич Сивцев аатын иҥэрии Айаал Лазарев төрөөбүт күнүгэр түбэстэ. Аат иҥэрии кэннэ Бэйдиҥэтээҕи норуот айымньытын киинигэр «Тустууга анаммыт олох» документальнай киинэ көрүүтэ олохтонно. Иккис күн Иван Николаевич Сивцев аатынан оҕолорго улуустаа5ы көҥүл тустуу күрэ5э ыытылынна.
